WANGE — Дэлхийн гайхамшгийг хамтдаа бүтээе

Жижигхэн блок бүр нийлж алдарт барилга, гүүр, хөшөө болон сүндэрлэхийг харах нь хүүхдэд өөрийн гараар бүтээхийн баяр баяслыг мэдрүүлдэг. Хэсгүүдийг ажиглах, зөв байрлуулах, алдаагаа засах, бүтээлээ дуусгах — угсрах алхам бүр суралцах боломж юм.

Bearhouzze-ийн WANGE архитектурын багцууд хүүхэд, эцэг эхийг дэлхийн алдарт байгууламжуудтай танилцаж, хамтдаа бүтээх цагт урьж байна.

1999 оноос угсардаг тоглоом бүтээж буй брэнд

WANGE нь 1999 онд үүсгэн байгуулагдсан, угсардаг блокон тоглоомын загвар зохион бүтээлт, үйлдвэрлэлээр мэргэшсэн брэнд юм. Дэлхийн алдарт байгууламжуудыг жижиг загварт буулгасан архитектурын цуврал нь бүтээх үйл явц болон бэлэн бүтээлээ цуглуулах сонирхлыг хослуулдаг.

Угсарч дууссан загвар хүүхдийн өрөө, гэр бүлийн номын тавиур эсвэл ажлын ширээг чимэх өөрийн гараар бүтээсэн дурсгал болно.

Хүүхэд угсрахдаа ямар чадвараа ашигладаг вэ?

Гарын жижиг булчингийн хөдөлгөөн, нүд–гарын зохицуулалт. Жижиг эд ангийг сонгох, эргүүлэх, тааруулж холбоход хурууны нарийн хөдөлгөөн болон харж ажигласнаа гараараа гүйцэтгэх чадвараа ашиглана.

Орон зайн сэтгэлгээ. Хавтгай зурагт үзүүлсэн хэсгийг бодит гурван хэмжээст бүтцэд байрлуулахдаа дээр–доор, урд–хойно, баруун–зүүн гэсэн холбоог ойлгож, хэлбэр ба байрлалыг харьцуулна.

Анхаарал төвлөрөл, дараалалтай ажиллах дадал. Зааврын алхам бүрийг ажиглаж, тохирох хэсгийг олох нь нэг ажлыг тууштай үргэлжлүүлэх боломж олгодог. Том загварыг хэд хэдэн удаагийн угсралтаар дуусгаж болно.

Асуудал шийдэх, бүтээлч сэтгэлгээ. Хэсэг таарахгүй үед өмнөх алхмаа шалгаж, өөр аргаар оролдож үзнэ. Зааврын дагуу угсрахын зэрэгцээ бэлэн бүтээлээ хэрхэн байрлуулах, ямар түүх ярьж болохыг хүүхэд өөрөө төсөөлөх боломжтой.

Хамтран ажиллах чадвар. Нэг нь эд ангийг ангилж, нөгөө нь зааврыг харж, хамтдаа угсрахад ярилцах, ээлжээ хүлээх, тусламж хүсэх боломж бүрдэнэ.

Эдгээр нь угсрах явцад дадлагажуулах боломжтой чадварууд бөгөөд хүүхдийн нас, туршлага, оролцооноос хамааран харилцан адилгүй байна.

Чанар, материал болон олон улсын стандартын мэдээлэл

Хүүхдэд зориулсан бүтээгдэхүүн сонгохдоо бүтээх сонирхолтой байхаас гадна материал, үйлдвэрлэлийн чанар, аюулгүй байдлын мэдээллийг анхаарах нь чухал.

WANGE-ийн үйлдвэрлэгчийн мэдээлэлд ABS зэрэг хуванцар материал ашигладаг бөгөөд EN71, ASTM, CPSIA болон REACH-тэй холбоотой нийцлийн мэдээллийг дурдсан байдаг. Эдгээр нь тоглоомын механик болон химийн аюулгүй байдал, материал дахь тодорхой бодисын хязгаарлалт зэрэг шаардлагатай холбоотой.

Үйлдвэрлэгч мөн чанарын удирдлагын ISO 9001 болон үйлдвэрлэлийн нийгмийн хариуцлагын BSCI үнэлгээний талаар мэдээлсэн нь үйлдвэрлэлийн үйл ажиллагаанд чанар, хариуцлагыг анхаардаг болохыг илэрхийлж байна.

Хүүхдийн нас, угсрах туршлагад тохирсон багцыг сонгож, хайрцаг дээрх зааврын дагуу ашигласнаар гэр бүлээрээ бүтээх цагийг илүү тухтай, сонирхолтой өнгөрүүлэх боломжтой

Гэр бүлийн бүтээлч цаг

Заавлыг хамтдаа дэлгэж, эхний блокоос эцсийн хэсэг хүртэл бүтээлээ босгох нь гэр бүлээрээ цаг өнгөрүүлэх энгийн, сонирхолтой арга юм.

Жижиг эд ангитай тул хайрцаг дээрх насны ангиллыг баримталж, бага насны хүүхдийн гар хүрэхгүй газар хадгалаарай. Олон хэсэгтэй загвар сонгохдоо хүүхдийн угсрах туршлага, сонирхлыг харгалзан, шаардлагатай үед хамтран туслаарай.

Bearhouzze — хамтдаа угсарч, суралцаж, бүтээсэн мөчөө дурсамж болгоё.